Setu erru deiziadur Diwan 2021 !
20/10/2020
Evel bep bloaz e vez embannet gant Diwan e zeiziadur. Ar wech-mañ eo skol ar Faou he deus sevenet anezhañ war dem ar plantennoù gouez.
Gant an deiziadur-mañ e tiskouez Skol Diwan Ar Faou en un doare barzhoniel hag arouezel he deus diwanet ha kresket ar c’hreunenn Diwan hadet 40 vloaz zo. Natur ha sevenadur Breizh a chom pinvidik ha kreñv. Evel al louzeier gouez e ra ar Brezhoneg e lod evit mirout ur glad boutin : an douar hag ar sevenadur. Eus ar bezhin betek ar brug dre al linad e vezer souezhet endro gant blaz al louzeier mat se evel ma vezer souezhet gant blaz ar Brezhoneg a ziroll evel al levenez war spered hor bugale. Evel ur rozenn-moc'h, arouez al labour-douar doujus ouzh an ekoreizhiad hag ar bevliesseurted eo ar Brezhoneg ur yezh bev !
Skeudennerezh : Aurore Colliou / Graferezh : Romain Diguet
