Louaneg, d’ar 04/05/2020

Miz Gwengolo

Stabil a-walc’h eo hon niver a skolidi : 33 int bremañ.

Laouen omp o kaout ur skoazeller-mamm nevez, Erwan Alexanian, a zo deuet e distro-skol gwengolo e-barzh ar skipailh pedagogel ha n’eo ket cheñchet a-hend-all.

Miz Du

Kumun Louaneg zo deuet da vezañ perc’hennez war hon ti e miz du.
Mankout a rae dezhañ ur goudor evit disglaviñ ar vugale e-pad an (nebeud) devezhioù glav. Savet eo bet gant un nebeud tadigoù mil-vicher e-pad vakañsoù an Hollsent.

Miz Meurzh

Ar vugale o deus kemeret perzh, evel bep bloaz, e-barzh an abadenn Kan ar Bobl e Kawan. Eil priz ar c’helc’hiad 2 zo aet gant skolidi klasad Gael Le Roux (CE-CM) ha dibabet int bet evit an abadenn diwezhañ e Pondi.

Miz Ebrel

Kendalc’het o deus ar vugale gant ar skol er gêr pa’z eo bet disklêriet ar c’henfinañ, a-drugarez d’an danvez pedagogel lakaet en linenn gant ar gelennerien war lec’hienn internet nevez-flamm ar skol, a zo deuet buan da vezañ ul lec’h a eskemmoù puilh.

A-benn – nebeud

Siwazh, gant an enkadenn yec’hed eo bet nulet meur a darvoud a-bouez-bras evit arc’hantaouiñ ar skol (predoù da gas en Trevoù, gwerzhañ louzaouenn an hañv, fest-noz Tregastell, ar Redadeg, Gouel an Hañv, …)
Setu deiziadur an darvoudoù o tont, ha lec’h e vijemp laouen o welet ac’hanoc’h.

02/08/2020    Marc’had al Laou   –  Perroz-Gireg
06/09/2020    Marc’had al Laou  –  Louaneg
24/10/2020    Fest Noz  –  An Trevoù

Voir nos prochaines manifestations

Da c’hortoz, ho sikour zo pouezusoc’h evit biskoazh evidomp.
Gallout a rit bremañ reiñ deomp en linenn ha kaout un digresk taolioù a 66% bopred.
A-drugarez d’ho skoazell e c’hell hon skol chom digoust ha kenderc’hel e brezhoneg gant e garg a servij publik.

♥ Faire un don !