Penngasour·ez

Kinnigadenn ar post-labour

Ur rouedad kevredigezhel, laik, digoust ha digor d’an holl eo Diwan. Hiziv an deiz ez eo an hentenn gelenn nemeti o kinnig deskiñ brezhoneg dre soubidigezh. Krouet ouzhpenn 46 vloaz zo ez eus e Diwan 47 skol, 6 skolaj ha 2 lise, dasparzhet war 5 departamant Breizh istorel.

Emañ Diwan o klask war-lerc’h ur penngasour·ez evit ar Skolaj Diwan Liger Atlantel evit an distro-skol 2024-25. Gant ar pal e vefec’h barrek evit an distro e vo ur prantad treuzkas adalek ar 1añ a viz Even gant ar benngasourez a zo hiziv war ar post.

O labourat dindan atebegezh renerezh an ti-skol e vo fiziet ennoc’h :

• Aozañ ha sterniañ buhez skol an ti-skol

• Buheziñ ar skolaj (beilhadegoù, stalioù dizarbenn, bodadoù liammet gant ar skolajidi, surentez, yec’hed, etc)

• Merañ ar skipailh kasouriezh (sevel an implijoù amzer, merañ amzer labour ar skipailh, kas an titouroù a sell ar goproù, etc)

• Daremprediñ gant ar gerent diouzh an ezhommoù

• Kenlabourat gant ar skipailh renerezh, kelenn, melestradurezh

Skiant-prenet ha barregezhioù goulennet

Doare den :

• Live C1 e brezhoneg degemeret mat. Brezhoneg komzet hag skrivet mat a-walc’h evit bevañ e brezhoneg pe/hag evit sikour ar skolajidi,

• Live Bak + 3

• Bezañ en e aes evit daremprediñ gant ar grennarded

• Bezañ en e aes evit merañ ur skipailh

• Plijet gant al labour a-stroll

Titouroù all :

• CDI leun amzer bloazieket

• Lec’h labour : Sant Ervlan – Liger Atlantel

• Gwarez yec’hed hag ur prevoyañs

• Gopr : 21 800 € kriz/bloaz + un arc’hopr miziek kriz a sav da 83 €

Ma ‘z oc’h dedennet gant ar post, trugarez da gas ho emstrivadur (CV+lizher en em ginnig) da tuta@diwan.bzh a-raok ar 6 a viz Mae 2024.

Dalc’het e vo ar bodad tuta d’an 13 a viz Mae e sez ar gevredigezh e Landerne.