Skolaj Diwan ar Releg-Kerhuon : penaos e vo distro-skol 2024 ?

Kemennadenn gelaouiñ

Un nebeud mizioù zo en deus kelaouet ac'hanomp Kuzul departamant Penn-ar-Bed e felle dezhañ terriñ an emglev gant ti-kêr ar Releg-Kerhuon diwar-benn ar savadur m'emañ ar skolaj Diwan ennañ, gant ar soñj adwelet an doare da verrañ al lec'h. En nevezamzer eo bet torret an emglev eta gant un termen dibenn miz Mae 2024.

Meur a emvod zo bet dibaoe gant ar c'huzul departamant hag an ti-kêr evit kregiñ da studiañ an doare nevez da verrañ al lec'h e servij ar sevenadur hag ar brezhoneg. Krog eo ar preder eta hag astennet e oa bet an emglev betek dibenn miz Eost 2024.

Goulenn a ra hiziv rouedad Diwan gant kuzul-departamant Penn-ar-Bed ha ti-kêr ar Releg-Kerhuon kavout un diskoulm evit kadarnaat un distro-skol 2024 seder evit mad ar skolajidi, ar vicherourien ha treuzkas ar brezhoneg, rak afer zo un tamm amzer evit kavout diskoulmoù padus.