![Skol Diwan Plougastell-Daoulaz](/uploads/societes_logo/diwan-plougastell-.jpg)
Skol Diwan Plougastell-Daoulaz
Sant Drenan / Saint Adrien
Plougastell Daoulaz / Plougastel-Daoulas 29470
02 90 82 87 85
skol.plougastell-daoulaz[at]diwan.bzh
https://www.facebook.com/DiwanPlougastel
Ar bidoc'hig eo skol-vamm Diwan Plougastell-Daoulaz ! Ne oa nemet div skol Diwan e Kumuniezh Kumunioù Brest. Gant Plougastell-Daoulaz ez eus bet digoret un trede skol a oa gortozet e bro ar sivi gant kalzik familhoù. An div skol all e Brest a oa bugale eus Plougastell-Daoulaz enno. Eus ar gumun e teu lodenn vrasañ ar vugale hag eus kumunioù tost. A-drugarez da labour ar c'homite skoazell n'eo ket bet hir an traoù. E miz Kerzu 2015 e oa bet an darempredoù kentañ etre mammoù ha tadoù bugale gant sez ar rouedad Diwan e Landerne. E miz Meurzh 2016 e oa bet savet ar c'huzul skoazell ha goude emvodoù foran ha sikour ar maer e oa krog ar skol-vamm da zegemer bugale vihan e miz Gwengolo 2017. Da lavaret eo nebeutoc'h eget daou vloaz prientiñ. Ur sapre taol kaer a berzh ar c'huzul skoazell !
Emañ staliet ar c'hlas kentañ en ur savadur-fiñv lakaaet gant skoazell an ti-kêr e-kichen sal ar bagad hag ar c'helc'h keltiek e ti Bagadañs ,hag a-benn daou pe dri bloaz e vo kavet ul lec'h brasoc'h.
Ne vo ket ar bagad o seniñ pa vo ar vugale er skol e-kichen. Siwazh dezho marteze ! Buhez hir da skol Diwan Plougastell-Daoulaz !
« Ur gwir efed pozitivel war ar familh »
25 septembre 2019
Efedoù pozitivel a-wechoù a c’hell bezañ merzet war ur familh a-bezh pa emañ ar vugale skoliatet e Diwan. Setu ar pezh a lavar...