Forom an Henchañ 2025
12/12/2024
Bep bloaz 'vez aozet gant Eil Derez Diwan Foromoù an henchañ evit tredeidi skolajoù Diwan.
-
D’ar Yaou 13 a viz Meurzh 2025 e skolaj-lise Gwened
-
D’ar Yaou 20 a viz Meurzh 2025 e kastell Kerampuilh e Karaez
Ar bloaz mañ, an aozadur a zo kenurzhiet gant Aline Folgalvez, renerez skolaj Diwan Gwiseni.
Eskemmoù gant studierien war al lec'h
Pediñ a reomp studierien ha tud nevez implijet, brezhonegerien, gouest da zisplegañ o studioù da skolajidi 3de klas.
Tri rummad a vo :
-
Rummad hollek : Bak hollek, Prépa, skol-veur...
-
Rummad teknologiezh : Bak teknologiezh, BTS, IUT...
-
Rummad micher : Bak micher, deskardiezh...
Lakaet 'vo ar studierien hag an dud nevez implijet da gomz diwar-benn ar studioù heuliet ganto : mod ar c'hentelioù, lusk ar sizhun, labour hiniennel, padelezh ar studioù, koust ar studioù, diaesterioù, perzhioù dibar...
Goulennoù vo savet gant ar skolajidi.
Laouen bras 'vefemp o tegemer ac'hanoc'h e Forom Diwan an heñchañ (Gwened pe Karaez) etre 1e15 goude merenn ha 4e30.
Restaolet 'vo deoc’h ho frejoù hent.
Ma ‘z oc’h laouen da gemer perzh, trugarez d'en em enskrivañ dre liamm-mañ a-raok an 28 a viz C'hwevrer 2025.
