Skol Diwan Ar Releg

Tost tregont vloaz zo e oa bet digoret ar skolaj Diwan kentañ en ur ranndi e Brest. Aet e oa d'ar Releg-Kerhuon nebeut amzer warlerc'h. E miz Gwengolo 2018 e vo lidet an tregont vloaz war an ton bras er Releg-Kerhuon hag e vo ur bern sonerien ha kanerien war al leurenn bet skolajidi amañ ! Skiant-prenet zo gant skipailh ar skolaj hag ur bern kelennerien ha renerien ar skolajoù all zo bet er Releg-Kerhuon mare bennak. Ur skolaj e-kichen Brest ar gêr vras eo. Ur gêr gant kalzik studierien. Aes eo kaout kasourien amañ evit labourat un nebeut eurvezhioù ar sizhun.

Tost d'an aod emañ ar skolaj ! Bageal hag ober kaiak a vez graet kalz gant ar skolajidi pa n'eo ket dibennoù-sizhun surf a vez kinniget en trede klas gant ar gasourien. C'hoariva a vez graet ivez, e bro Leon emaomp ! Ur skolaj-lojañ eo ivez lec'h ma vez desket sioulaat ha talañ ouzh an anken hag ar stress. Raktres ar skolaj eo an agenda 21 ivez en darempred gant kuzul an departamant. Hep ankouaat an nozvezh gala a vez ur wech ar bloaz !